ذات الرداء الابيض "قصه كامله"

ذات الرداء الابيض "الجزء الاول"

انا احمد شاب عندى 18 سنة بحب الاطلاع على الحاجات الجديدة و بعشق عالم الغيبيات و ما وراء الطبيعة المهم انا قصتى غريبة شوية و انا بحطها قدامك بعنوان صدق او لا تصدق قصتى بتبدأ لما انا و اهلى قررنا ان احنا نسيب بيتنا و ننقل لبيت تانى و فعلا نقلنا لشقة فخمة جدا تقع فى الاسكندرية كان واسعة و فخمة كنت تفتح الشباك تلاقى البحر قدامك و تمنها رخيص بالنسبة للمواصفات الخيالية دى بس انا لحظت ان باقى الشقق اضيق من شقتنا بس اغلى دا الى كان هيجننى المهم استقرينا و اول 3 شهور تمام احد ما فى ليلة دى كانت الليلة الى بتبدأ منها القصة كنت قاعد بذاكر متأخر بليل و اذا بطيف ابيض عدى من قدامى زى البرق انا استغربت لانة لو كان اسود كنت قولت ماشى عادى انا قرأيت عن الموضوع دا بس ابيض دا الى خلانى استغرب و ارتبك بس هديت نفسى و قولت تهيؤات و عديت الليلة بس تانى يوم ممكن تقريبا بين الساعة 1 و 3 كدا كنت بذاكر برضوا ولاقيتها قدامى ايوة هى طيف ابيض كان عبارة عن بنت فى العشرينات كانت رائعة الجمال بس رجليها كانت شبة محروقة حاجة زى كدة و فجأة لقيتها اختفت انا فى اللحظة دى اترعبت و عدت فترة كبيرة لدرجة انى كنت خلاص هنسى الموضوع بس فجأة لقيتها قدامى انا اترعبت قلتلها انتى ميين؟؟ قالتلى انا منى وهكون كابوسك الى عمرك ما هتتخلص منة بالساهل انا سمعت الكلام من هنا اغمى عليا فتحت عينى لقتنى فى السرير قلت الحمد الله كان حلم فى نفس اليوم الساعة 3 لقيتها قدامى قلتلها يعنى انا مكنتش بحلم قالتلى حلم لا لا انت فى كابوس انا مش هسيبك الا لما تشوف عذاب عمرك ما شوفتة فى حياتك ولا هتشوفة ابدا قلتلها لا لا اكييد فى حل تانى قالتلى اكييد فى بس انت مش هتقدر تعملوا قلتلها ملكيش دعوة انا هعملة انت بس قولى اية هو قالتلى انك تروح المقابر و تولع فى تربة معينة قلتلها لا لا حرام دا يبقا كفر قالت دا حلك الوحيد انا هجيلك بعد 3 ايام و شوف أجابتك بس خلى بالك أجابتك هى الى هتعكس مصيرك انا قعدت ادورها فى دماغى لحد ما قررت و قلت اية المشكلة هو مش الى هولع فى تربتة دا ميت خلاص الحى ابقا من الميت و قلت ان الله روؤف رحيم و بالظبط فى اليوم التالت بعد الساعة 12 لقيتها قدامى قالتلى هااا هتعمل اية؟؟ قولتلها خلاص ماشى انا موافق دلتنى على التربة خدت بنزين و فعلا و لعت فى التربة و اول ما رجعت لقيتها قدامى قالتلى برافو انت عملت الى مطلوب منك شبان كتيير قبلك ما قدروش يعملوها قلتلها هو كان فى قبلى قالت اكييد و ادتنى صورة لراجل كدا و قالت لو عايس تعرف أسال الراجل دا انا لفيت على الراجل لحد ما عرفت انة صاحب العمارة الحالى رحت و كلمتة قلتلة ازيك انت تعرفنى قالى لا قولتلة انا احمد الشقة الرابعة الى فى الدور التانى قالى ايوة ايوة اتشرفنا قلتلة ممكن أسالك سؤال قالى أتفضل قلتلة هو لية شقتنا واسعة و فخمة و رخيصة و باقى الشقق اصغر و مش فخمة زى بتاعتنا و اغلى؟؟ قالى اصل انا لما لقيتكم عائلة طيبة نزلتلكم من الايجار قلتلة عشان عائلة طيبة ولا عشان منى؟؟ لقيتة اتصدم و وشة قلب ألوان قالى منى منى ميين؟؟؟

الجزء الثانى ذات الرداء الابيض........الجزء التانى

لقيتة اتصدم و وشة قلب ألوان قالى منى منى ميين؟؟؟ قلتله ما هو يا تحكى يا تتسجن قالى لا لا خلاص انا حكيلك على كل حاجة منى دى كانت بنت صاحب العمارة كانت جميلة اوى بس كان مخها تعبان شوية ممكن تقول مجنونة و عرسان كتيير اتقدمولها بس هى كانت بترفض المهم احد ما ابوها مكانش قادر يسيطر عليها بنى اوضة من حديد فى شقتة بمفتاح و حبسها فيها قعدت محبوسة 3 سنين لحد ما قرر يتجوز قال يخلص منها كب بنزين فى الاوضة و ولع فى الاوضة و قفل الباب بالمفتاح و سابها قلتلة و ابوها حصلة اية قالى ابوها سمعت ان تربتة و لعت من يوميين قالتلة هى كانت بتلبس ابيض لقيتة بيضحك قالى مكانتش بتلبس غيرة لدرجة انهم كانوا بيسموها ذات الرداء الابيض قلتلة يعنى الشقة بتاعتنا كانت بتاعت صاحب العمارة قالى ايوة بالظبط قلتلة احنا معندناش اوضة من حديد قالى ما دا الى هيجننى لانى دورت فى الشقة ملقتش اى اوضة من حديد قلتلة طيب و بالنسبة للناس الى سكنت قبلى قالى ايوة ايوة تصدق انك اكتر شاب عمر فى الشقة دى و هى كانت بتظهر للشبان بس و الشاب الى ميسمعش كلامها كانت بتخلية يشوف العذاب يعنى كان فى قبلك تلات شبان التلات مسمعوش كلامها واحد الشقة ولعت بية ولقوة عظمة متفحم و واحد لقوا فى البانيو بتاعوا مياة مغلية و هو فى المياة لدرجة ان عظمة ذاب و واحد لقوا منفجر كأن كان فى بطنة قنبلة لقوا اوضتوا مليانة دم المهم انا سبت الراجل و مشيت قعدت افكر اكتشفت ان التربة الى انا ولعت فيها طلعت تربة ابوها و كانت عايزة تعمل فية زى ما عمل فيها بس من خلالى انا و قولت الحمد الله انى سمعت كلامها لكانت موتتنى موتة بشعة المهم انا قولت لازم اعرف فييين الاوضة الحديد دى؟؟؟ جبت كاشف المعادن و مشيتة فى الشقة كلها لحد ما جى فى حتة و قعدت يرن يرن و الحتة دى كانت الحيطة اكتشفت ان لون الحيطة دة كان باهت شوية غير بقيت الحيطان جبت قماشة و جاز و قعت امسح لحد ما لقيت الباب الحديد بس قعدت ادور على المفتاح لحد ما لقيت فى سهم مرسوم على الباب دوست على اخر السهم بالصدفة لقيت درج سرى و فية المفتاح فتحت الاوضة لقيتها كلها من الحديد بس الحطان سودة سواد غريب قلت اكييد دا من النار و لقيت الجثة ايوة جثة متفحمة لمتها فى كيس و رحت المقابر فحرت حفرة و حطيت الكيس و قفلت علية و من ساعتها مشوفتش منى غير مرة واحد جاتلى قالتلى خلى بالك ابوية مقتلنيش عشان كان عايز يتجوز قالتلى لا دا قاتلنى لما عرف انى ملبوسة من جن عاشق و كان الجنى دا هيقتلة فأنا قلتلة اقتلنى و الى خلاك تولع فى تربتة دا نفس الجنى انا مبقدرش اسيطر علية بس انت لما ولعت فى التربة انا ارتحت معرفش لية و هو مشى و ساب جسمى شكرا يا احمد و ادتنى بوسة على خدى و لمست شعرى و مشت و من ساعتها مشوفتهاش بس من ساعتها نفس الحتة الى لمست فيها شعرى الحتة دى كلها ابيضت و نفس مكان البوسة الجلد مات فيها و بس دى كانت اخر حاجة اشوفها منها و بدأت أعيش حياتى الطبيعية تانى بس انا بيحصلى حاجات تانية من جن و حاجات ساعات احس انى قريب من الجن او انهم بيحبونى حاجات زى كدا