قصه الاوتوبيس الملعون

القصه من تأليف ^_^ Anwar Ashraf Omara

انا اسمي احمد .. عمري 27 سنه اعزب :)
عايش مع والدي و والدتي قصتي بدأت لما كنت ماشي في شارع في 6 اكتوبر كان في اتوبيس عمال يرخم عليا في طريق سريع و جيت جمبه فاببص عليه لقيت من غير سواق . :O
هديت السرعه شويه و مشيت وراه بعد كده لقيت عمال يسرع فاسرعت وراه :\
في الوقت دا تليفوني رن والدتي اتصلت ردت عليها قالتلي الوقت اتأخر هتيجي امتي قولتلها انا في اكتوبر جاي في الطريق و انا ساكن في الهرم بعدما كنت بتكلم معها و انا متابع الاتوبيس فجأه الاتوبيس غير اتجاه دخل في اتجاه المدافن o.O ملحقتش الف وراه طبعا العربيه اتقلبت ..
و انا كنت لسه بكلم والدتي في الوقت قبل ما اقولها الشارع طبعا اغمي عليا فوقت لقيت نفسي في
......
يا ترا ايه اللى حصل لاحمد ؟؟؟...
وياترا هو لما فاق لقى نفسه فين ؟؟؟؟

فوقت لقيت نفسي في السرير نايم و لقيت والدي و والدتي و عمي و دكتور بسألهم ايه اللي حصل قالولي ان انا كنت بحلم و قومت فضلت اصرخ.
و بعد كده هما هدوني و جبولي الدكتور و عمي اصلا ساكن في الدور اللي تحت و سمع كل اللي حصل انا طبعا مصدقتش انا كنت بحلم المهم انا فوقت كانت الساعه 3 العصر قومت اتغديت و التفكير هيموتني :(
و نفس المعاد تانى يوم روحت نفس المدافن و لقيت الاتوبيس راكن في المدافن الفضول كان هيقتلني اني اعرف ايه اللي جواه و ازاي اتحرك من غير سواق نزلت من عربيتي و فتحت باب الاتوبيس و دخلت اتفجأت بحاجه مش طبيعيه شوفت
:O :O :O
.......

شوفت جماجم عظميه كتير و شخص واقف في اخر الاتوبيس بس شكلو مش غريب عليا دا الدكتور اللي كان بيعالجني بس ازاي وصل هنا
:O :O
و بعد كده حاولت اهرب الباب اتقفل و نسيت اقولكم دا اتوبيس حديث زي اللي في المدارس الاجنبيه الباب بيقفل من الزرار جمب السواق طبعا من الخضه روحت علي الزرار علي طول فضلت ادوس مش راضي يفتح و الدكتور فضل يقرب مني و حصل ان انا لقيت نفسي في المستشفي كانت العربيه اتقلبت بيا و انا ماشي و كان موجود نفس الدكتور بس الحمد لله مكنش في اصابات قويه خرجت تاني يوم من المستشفي طبعا صحابي كلهم كانو هناك محمود و حسام و عادل في الاول قبل ما الحادثه التانيه دي تحصل كنت خايف احكيلهم بس تاني يوم لما قولتلهم كلهم احتارو طبعا و قررنا كلنا نطلع علي المستشفي اللي كنت فيها دي و نشوف ايه حكايه الدكتور دي روحنا هناك و كانت المفاجأه
.......
يا ترا ايه حكايه الدكتور ده ؟؟؟؟
وايه علاقته بالاتوبيس وازاى الحادثه حصلت ؟؟؟
سألنا علي الدكتور دا و احنا عارفين اسمه و هو اسمه عبدالعزيز و قالوا مفيش حد بالاسم دا و الاغرب ان الدكتور دا اتوفي من 8 سنين كلنا استغربنا و جابولنا صورته و اتأكدنا ان هو كده اصبح مفيش قدمنا غير اننا نروح نشوف الاتوبيس دا ايه حكايته روحنا علي الاتوبيس لقينا موجود في نفس مكانه بس مقفول من جوا بس موجود ورقه عليها رموز شكلها غريب اوي و 4 تذاكر قطر للمنيا طبعا مفكرناش روحنا بالورقه اللي فيها الرموز دي لشيخ بس مقولناش علي التذاكر قالنا دي نقوش تحضير جن من ايام الفراعنه و تحضيره في المنيا احسنلكم تخلوا الورق دا معيا لانو مش هيرحمكم ياتري ايه ممكن يكون الرد

بعد طبعا ما قال كده قالو فين في المنيا قالهم طبعا علي المكان بس مش راضي يديهم نقوش طبعا كلهم اعتقدو انه ممكن يكون كنز و هو عايز يخده لكن اصروا انهم يخدوا الورق و ياريتهم ما خدوا الورق مكنوش يعرفوا ان الورق دا فتح عليهم باب جهنم حسام خد الورق بعدها بيوم ابو حسام كلمنا و قالنا حسام مات بسبب انو كان برا البيت و عربيه خبطتته احنا كانا عايزين الورق و الحمد لله لقينا بسرعه و كان السفر تاني يوم و قالنا نتقابل في المعاد في محطه القطر في المعاد اللي موجود في التذاكر و اتقبلنا ودخلنا القطر وكانت كل حاجه طبيعيه وصلنا الساعه كانت 5 المغرب مكنش في حد في المحطه قعدنا ندور علي تاكسي مفيش خالص فضلنا حوالي ربع ساعه مفيش تاكسي عدى لغايه بعد كده تاكسي عدا ركبنا و قولنا علي المكان للسواق الراجل بصلنا اتخض اوي و قالنا متأكدين قولنا ايوه قام ودنا المكان دا كنت.
انا و محمود و عادل دخلنا مكان عامل زي المعبد بتاع زمان فضلنا نقرا و فجأه محمود فضل صوته يتغير و يزعق و صوت محمود بيطلع ضعيف اوي بيقول اهربوووو ... اهربوووو طبعا انا و عادل هربنا طبعا و الليل بدأ و دورنا علي اي فندق علشان ننام عادل خد اوضه و انا خدت اوضه تانيه نمت الساعه 11 بليل و صحيت كده علي الساعه 7 الصبح روحت خبطت علي اوضه عادل فضلت اخبطت و مش بيفتح قولت اكيد نايم دخلت اوضتي كلمته علي الموبيل مش بيرد اتخضيت نزلت اسأل الريسبشن عليه يمكن خرج قالوا لا في الوقت دا مكنش قدامي حل غير اني اكسر الباب كسرت فتحت كانت المفاجاه اني اشوف عادل مدبوح و سايح في دمه في الوقت دا مفكرتش في حاجه غير اني اسأل حد من اهل البلد علي المكان دا قالو ان دا مكان حصل في حوادث كتير اوي و طلع علي المكان دا انه مسكون في الوقت روحت علي المكان و فضلت اقرا الورقه و انا بقرا الورقه الحيطه بدأت تطلع دم و نار رهيبه والدكتور ظهر تاني بس انا مدتش اهتمام خلصت الورقه و كان مكتوب في الاخر اني لازم اغمض عيني لمده 5 ثواني غمضت و فتحت عيني لقيت نفسي علي سريري في البيت و ان انا ناس لقوني واقع في الشارع و جابولي نفس الدكتور بس المره دي كان علي لبسه دم و قالوا اني اتشلت و مقدرش اتحرك بسبب خبطتات متكرره علي رجلي ادي الي الشلل و كل يوم في احلامي اشوف الدكتور و جثه محمود و عادل و حسام و كل يوم بشوف طريقه موتهم في حلمي و رجلي مشلوله انا دلوقتي اتمني ان الزمن يرجع علشان مخدتش الورقه دي تاني و مورتش حد معايا ....

معتصم 3:)